23/04/2018

Keseg tik, saout buch ha labour forz pegement !

Salud dec'h,

Fenos vo laket un añrejistramant ma gwraet ba-ti A. ba Brennilis, assames oain ga ma mamm (deus Plouïe). Trañskrivet an traou ganen-me, michañs a blijo dec'h

- Me
- Ma mamm
A.



Gwech-all me ma ur gaseg kozh, pé oa ba Ponvel du-he ha ma zad lare din :

« Ale ! Kèh da fres(ed) an, an id war-lerc'h ah(e) ! »

« Ah ya ? » Me lar déoñ

Me(d) me ma kime(d) ur boutou-koat neuheñ, brem(añ) vé boteier !

« Ah ya ! » Me lar déoñ, « me(d) me 'h a war-gein ar gaseg ! » Me lar déoñ hañ !

– War-gein ar gaseg ?

War-gein ar gaseg heñ !

– Ah ya

Ur gaseg oa-i, añfeñ ur ga[seg], diw gaseg oa, me(d) un' vise laket din, houzh oa aessoc'h 'vi(d) oa ar re-all

– 'Vid mond d'ar park oa ?

Ya, ah ya ! 'Vi(d) fres(ed) ar pa[rk], an id war-lerc'h a vïe hadet !

– Ah ya ? War-gein ar chô ?!

Ah ! War-gein ar chô, ya !

– Ah ya

Eh ya !

– Ma klêt lod lar(ed) an dra-he 'e, me(d) pa vijent 'hond d'ar park pe 'tond d'ar park kwa !

Ah ya ! Oh ! Me 'h ee war o c'hein 'e

– Ah ya

Ha mond gat(e) d'an dour ha me ouïe, ouïe galoupad ga ma c'heseg heñ ! Ha ga… Ur wech oan aet da gass(ed) ar gaseg d'an dour ha oa-i 'hond da gaou(d) hi eubeul bihen ! Hag an dra-h(e) oa un nor en, en voûte ! Ha pan ma gallet lakad ma doworn ar mo(d)-se, pugur gwech-all vise gwraet ar bern-teil kaou(d) an ti, pugur oagn peus-penn-ar-penn deuh an ti ! Ha pan ma gall(e)t lakad ma doworn war ar machin ma : Mond war lign ma c'hein war ar bern-teil ! Pan(eve)-se oan laet ! Ah ya ! Miser neugn bet an dud heñ ! Set(e) ur lamp oa ar mo(d)-se, ma'hat ra ket kalz vad 'e hañ !

– Pe-oad a oas ?

Oh ! C'hwec'h pe seizh la matrehe

– Ah ya !

Pe seizh pe eizh la

– Da be-oad oas komañset ga'r c'heseg ?

Oyow !!! Ma vaot(r)ig-kaezh ! Ma vïe daw din lar(ed) an dra-he : Me zo bet gwelloc'h d'ond war-dro ar loned 'vi(d) on bet war-dro traou-all ! Pemp pe c'hwec'h la matreh(e)

– Ah ! Ga'r c'heseg ken a-bred-te ?!

Ya ! Beñ ma zad drafike un tamm 'vel a ree Roger 'è

– Ah ya

Ah ! Me(d) Roger ree gate forz pet(r)a ha ma zad ree 'e ! Hag ar re-he vise keseg ha' vise tik ! Ha' vise beb-sort toud ! Me meus bet labour(e)t ga keseg ha oan ket gouest da gasse(d) 'nê da nimb-lec'h e-bed, pugur ar re-he oa 'ruañ 'n eil ga heben ! Hag a pé vïent aet d'ar penn, neuhe ma zad 'h ee d'o c'haoud ha cheñch penn dê da zond en-dro kwa ! Cheñch tu dê ree ket, me(d) cheñch penn dê ! Ha me vise daw din mond ba'n ar, oan ket mestr dèi, cheñch penn dèi, cheñch tu dèi 'e ! Ha na kime(d) ur boem goulskoude… An dra-he zo greñvañ tud a-raog vegn deut !

Labour(a)d ga saout meus gwraet 'e ! Nin na ur veuc'h ha' vise laket da… Pé beñ, pé vïe ket (a) geseg a vise gwraet ga'r saout heñ !

– Ya

– Ah !


Ah ya, oh ! Beb-sort mod é bet an traou hañ !

– Me(d) n'é, n'é ket ga ejened vije gwraet 'e ? « Des bœufs »

Ah ya ! Ujenid ?

– Ya

Ah ya ! Ar re-h(e) oa solitoc'h 'vi(d) ar beuc'hed hañ !

– Ya

Ah ya ! Me(d) da(on) ! Ar veuc'h vis(e) stag(et) ar mo(d)-se pa'n de, ree ket kalz a laezh deuh an noñs heñ ! Aha ! Sete oa koll(et) deuh un tu, ma oa benifisset deuh un tu oa koll(et) deuh an tu-all hañ ! Ah ya !

– Ha aessoc'h oa ga'r c'heseg pe ga'r saout ?

Oh ! Ga'r c'heseg heñ !

– Ga'r c'heseg

Forz pe-gen mechant oagn wechou ! Ar saout zo buch !

– Buch ?

Buch ! Ya

– Ah ya ? Pet(r)a sinifi « buch » dit ?

Buch : D(a) lar(e)d dê mond 'raog ha larefent ket dec'h :

« Nann, me n'añw ket na… »

Ha 'lec'h ar, ur lon-keseg, ma né ket c'hoant d'ond a-raog a jomo ba-lec'h vo

– Ya

Me(d) an dra-he… N'é ket mem-mod tamm (e-)be(d) ! Nann, buch !

– Houbet un tamm kwa !

Ah oh ! Houbet ? Ah ya ! Ar c'heseg, ya

– Ya, ar c'heseg, ya

Ah ya ! Ha houbet, ya… Ah ya ! Oh ! Lod 'nê zo bet heñ ! Ma breur ahe na bet 'e un' hag a oamp aet d(a) dennañ (a)val-douar d'ar yun du-he ganti. Karget ar c'harrad (a)val-douar !

« Bremañ » lar Roger, « 'h amp d'ar gêr ! »

« Ah ya 'ha ! » Me lar déoñ

Oa kime(d) en(e) dow 'karg(añ) ar c'harr ganomp ah(e), goud(e) kreiste

« Ah ya-ya ! » Me lar déoñ, « bremañ 'h amp d'ar gêr ! »

Namp ket bet gall(e)t digass ar gaseg d'ar gêr nag ar c'harr(a)d 'val-dou(a)r… Na ket bet boujet deuh hi vlass ! 'Benn (ar) fin Roger oa aet 'ta da gost(e) ar c'hleuñ hag am(añ) hi-mañ zo kalz a lann ha-traou kwa !

« Oh ! Damaig » lar Roger, « 'h efeh war-raog ! Pugur me c'hwïo an tan dec'h ba ho rèr ! »

Ma ! Na ket boujet heñ !

– Na ket boujet ?!

Ah nann ! Devet !

– Goude oa laket an tan barzh !

Ehe ! Devet ! Devet oa ar c'hreun diwar hi lost !

– Hañ !

Ya, d'ar mar(e)-te vïe ket hir o lost, brem(añ) vé lesket, me(d) neuhe oa-i ket ! Ah nann ! Ah ! Me(d) an devezh war-lerc'h, pé oamp aet memes-tra, oa-i deut d'an toull-karr, me lar da Roger :

« Gast ! Stank 'ha ! An nor war da lerc'h ! » Me lar déoñ, « petram ma teu-kuit ga'r c'harr, piw oar p(e)-lec'h (v)o ka(v)et hoñzh ?! Kargad 'val-douar hag-all toud… »

Ohoyow !

– Pe-sort mod na gwraet neuh(e) 'vid lak anaoñ da vouj(añ) ? 'Feñ, da lak 'nèi da vouj(añ) ?

Oh ! Piw oar pe-sort mod ? Deut ur joñj, un neus bennag ar mo(d)-se kwa ! An dra-he oa penn ur canaille ! 'Vel vé gwraet deuh an dra-he

– Me(d) c'hweet an tan ba, ba o rèr

Ah ya ! Ba…

– An dra-he ma klêt dija heñ !

Ah ya ?

– Ha lod lake ur bod-drein 'e wechou blam da…

Ah ya ! Lod a ree ar bod-trein, ya ! Ah ya ! Me(d) gwraet a vis(e) heñ !

– Ah ! An dra-he meus ket klêt heñ… Ah nann !

Ah ! Me meus bet lak(et) ar sternachou war ma re 'e ba… Añfeñ war ma re… Re ma zad ! Re ma zud ! Ha mé lak(et) ar sternachou war'nê ga'r vorc'h heñ !

– Ga'r vorc'h ?!

Me(d) 'benn vïe daw lakad ar jujou gou(de)-se deuh ar c'hulier, da grogo ba'r c'hrapenn deuh ar brankar, ah beñ pa da ziwoull hañ ! Petram wechou 'h ee an troad deuh ho kinou ! Petram deuh ar brankariou ha deuh an traou ! Ah ya !

– Ar c'hrapenn ? Pet(r)a é ur c'hrapenn ?

Ar c'hrapenn é an tamm houarn 'vi(d) stag(añ) ar c'hulier deuh ar brankar ! Ha gwech-all vis(e) kirri-koat ! Ha an dra-he vis(e) ur c'hrapenn ha vise laket un tamm penn-chadenn peu-prè ar mo(d)-se matreh(e) ha ma vise moan rèr ar gaseg, eh beñ vise digass(e)t ar chadenn un tamm 'dreñw kwa ! Me(d) an dra-he vïe gwraet ur c'hrapenn hañ ! Ah ya ! Hag ar bach ! 'Benn lak(ad) ar bach war ur lon-keseg ha', ha' oa direizhed, beñ oa ket aes heñ !

– Ar bach ?

Ur bach, ya, ni… Lec'h vé lak(et) an tosser da zarc'h ar c'harr !

– Ah ! Lod lar ar bass, n'é ket ? Memes-tra é ? Ar bass pe ar bach ?

Ar bach, ni ree ar bach deuh an dra-h(e) ! Ar bach, ar c'hulier hag ar c'holier ! Ya

– Hag ar c'hropier pe ar c'hrobier

Ar c'hropier ?

– Ya, 'tre ar lost hag a…

Ah ya ! Me(d) heñ vis(e) krog, hezh oa sañsetamant ba'r c'hulier heñ ! Ha vïe ket tapet ga lost ar lon-keseg ha vis(e) laket hezh ar mo(d)-se hag a hezh 'h ee, me(d) oh ! Ma'hat hezh oa ket gwal aes d'ar loned 'naoñ pé vïent 'chechañ !

– Eh ya !

Ah ya ! Med oh !!! Oh ! Me meus gwel(e)t kalz traou ! Kozh oñ brem(añ), med oh ! Me meus gwel(e)t kalz traou hañ ! Ha gwraet !

– Ya ha traou da gontañ neuhe kwa ! Aha !

Ha krog, ha krog, ko(n)tant da gontañ, ya ! Ur wech-all neuñh(e), pugur nign mamp ket (a) zour deuh an hañw, oa lar(e)t din ga ma zad :

« Boñ ! C'hwi 'h ey da gerc'hed, da gerc'hed diw varrikenna(d)-dour ? »

« Ah ya ! »

Oh ! Neuhe oan dowzeg la mennag matreh(e) ha vïen 'kerc'hed dour ba ur feunteun ! Hag an dra-he oa un tamm diskenn ga'r prad, sete nign 'h ee war-lerc'h vis(e) plad ga… Ah ya ! Me(d) me oa ae(t) re dost d'an toull-karr 'n-ur zond d'ar gêr ga ma diw barrikennad-dour

– Hañ ! Saotreet…

Chaviret ar c'harr ! Pilet ar gaseg ! Paotr-kaezh ! Un tamm pente oa ga'r prad ! Hag ar barrikennou ba'r penn-traoñ, brevet toud ar barrikennou ! Bann(e) dour (e-)be(d) !

– Hañ !

Barrikenn (e-)bed ken dond da gerc'hed ! Pugur vïe daw mond da Garais da gerc'hed barrikennou, wechou vïe ka(v)et 'ti ar marc'hadourien-gwin hag prenañ re-all oa renket o(be)r heñ ! Ma zad oa ba'r prad en(e) ha me lar déoñ :

« Pilet meus ar gaseg ! Pilet meus ar c'harr ! »

« Lamp war hi goûg ! » Lar-heñw din, « ya hag a voujo ket ! »

Ha gwir oa heñ ! Pé vé pilet ur lon-keseg, peus kim(ed) lamp war i goûg ha' voujo ket ! Ha sete me lamp war goûg ar gaseg 'dreus ken oa deut ma zad da jikour 'ha(n)on da zistagañ 'nèi 'benn tenn(añ) 'nèi maes deuh ar limon kwa ! Ah ya ! Me lar dec'h, me meus bet miser hañ !

– Ha vije laket ar barrikennou mo(d)-se ba'r c'harr ?!

Ya !

– Ha pe-sort mod vijent karget neuhe ?

Ga un ekan-hou(a)rn petram ga ur sailh pe ga ur… Gwech-all oa sailhou ha' na un tamm c'hwitell ahe, añfen pe-sort mod larefen dec'h ? 'Vel un hanter peu-prè deuh ar wer(e)nn ah(e) matreh(e), sailhou-hou(a)rn ! Ah ya ! Me(d) pé vïeh ho-hun vïe daw dec'h mond ba'r c'harr ha 'benn tap(ed) dour ba'r veunteun ga ho sailh ! Hag me oan ket gwal vras hañ ! Set(e) wechou vis(e) sklabeet un hanter 'néoñ 'benn vïe deut maes ar veunteun ha mond ba'r c'harr da laka(d) 'néoñ ba'r varrikenn ga ur machin ar mo(d)-se ! N'é ket bet braw ato heñ ! Oh nann !

– Ha chikanet oas bet neuhe ga, ga… ?

Ah ! Ga ma zad ?

– Ya

Oh ! Oa ket ga(st) !

– Nann ?

Koulz oa déoñ lar nïe ket gwraet, pugur oa (???) brevet toud an traou ! Ma vïe bet mamm 'hat ! Mamm nïe langachet (a)ha(n)on ! Me(d) ma zad na ket gwrae(t) ! Nann.

Ur wech-all ma pil(e)t ar c'harr, me(d) neuhe oan deut da Vrennilis ! Pil(e)t ur c'harr(a)d-foenn 'tond deus Kervargen Vihen, oyow ! Ahe ma bet un angeuladenn memes-tra ga ma, ga ma gwas ! Ah ya ! 'Benn-neuhe oan dimeet ! Me(d) eürusamant a oa an trakteur oa hag an timon na un tourniquet, sete oa trôet, sete… Pan(eve)-se an trakteur vis(e) aet da-heul 'e ! Ah beñ ya ! An dra-he 'n-hi(ni) zigouee alïes heñ ! Vïe laet lod d(eu)s an dud ar mo(d)-se… Ah ya…

– Ah ! Ga'n trakteur oa ?! N'é ket ga…

Ah ya-ya-ya ! Amañ ya ! Me(d)…

– Ah ya ! N'é ket ga keseg

'Raog oa ga'r lon-keseg ha…

– Ya-ya, ya

A-wechou vis(e) ka(v)et un' peus-prop, set(e) vïe lar(e)t din :

« Ale ! Kèh da gerc'hed dour ! »

Petramant neuhe… Ah ya ! Oh ya ! Miser neus bet an dud 'benn neugn bet boued heñ ! Añfeñ oamp ket toud ar mo(d)-se heñ ! Be oa tud ha' na aes memes-tra heñ ! Med an dour ba'r c'hêriou ar mo(d)-se vïe ket ka(v)et deuh an hañw, d'ar mar(e)-te vïe tomm hañ ! N'é ket 'vel brem(añ) heñ ! Hañ !

– Ha oa ket ur puñs, nann, ba kêr ?

Ah yeo ! Me(d) heñ 'h ee da zisec'h(añ) pé vise bet un tamm sec'hor !

– Ah ya ?

Ah ya ! An dra-he vïe ket…

– Ya, depand a ree deus ar plass kwa !

Beñ ya ! Ha goud(e)-se…

– Ma mamm 'h ee pell da welc'h(añ) an dilhad !

Ah ya !

– Treus(añ) a ree ar parkeier ga'r garrigell ah(e) ! Hañ !

Ya ! Beñ me zo bet 'e ba Feunteun ar Werc'hes !

– Deus an dra-he meus joñj hañ ! Me(d) de(uh) 'n hañw ! Mod-all de(uh) ar goñw oa, oa dour tos(t)oc'h !

Ah ya ! Pugur neuhe oa deuh fonteuniou ha-traou kwa !

– Ya, fonteuniou, ya

Ya, med pé vé ket, daoñ ! Vé daw… Ha me vis(e) ba Feunteun ar Werc'hes du-h(e) d'an traoñ, du-he tre, goude oan deut am(añ), ah ya ! Me(d) me werc'heè dilhad d'an dud hañ !

– Ah ya ? 'Zhpenn !

– Holalalala !


Ah ya ! Me(d) ar mone vankè hañ ! Brêdiñ ! Me meus us(e)t dow vachin-brêdiñ, dow mekanik-brêdiñ, 'vrêdiñ traou d'an dud ! Bremañ rañw ga ma doworn, me(d) meus ket bet gwraet ato hañ ! Nann-nann !

– Pe-naos vé lar(e)t 'vid, deus ur plac'h ha' ra stamm ar mo(d)-se ? An « tricot »

Ur vrêdér(e)s

– Ur vrêdér(e)s ?

Ya, eh ! Ma, ma meus brêdet me, me meus gwraet tro-walc'h ar goañw passeet ah(e) !

– Ya, ma zad na ur gaseg ha' na ket c'hoant kin da labour(a)d

Ah !

– Ha 'benn (ar) fin é bet, é bet gwerzhet 'vi(d) pren(añ) un oto da ma breur

Ah ya !

– Ha na ket c'hoant kin da labour(a)d !

Ah !

– Ya ha ma zad 'h ee da, ga sternachou da gerc'hed… Hag ar gaseg ree tro-dro ar park ha ma zad war hi lerc'h, galoup(ad) a ree war hi lerc'h, oa ket 'vi(d) taped 'nèi !

Ah nann ?

– Na ket c'hoant kin !

Me(d) matrehe na bet skôet war'nèi

– Ah nann ! Ma zad oa ket…

Am(añ), me(d) me meus bet 'e keit-ha… 'Bow(e) on deut amañ ! Abow(e) oan dimeet heñ ! Meus bet diw gaseg hag un' 'nê oa bet gwerzh(e)t d'ond da… Oh ! Me n'onn ket 'tram' pe-lec'h… 'Tram' Ploueskad pe me oar-me, dans, ba bro an artichauts hag an traou ah(e) ! Pugur hoñ(zh) 'h ee hi-hun deuh ar… Forz pe-sort outil ! Ha oa ket daw kaou(d) den (e-)be(d) ga hoñzh ! Ha ar gijou ha 'h ee hi-hun ar mo(d)-se kwa ! Ha ba'r penn vis(e) chechet dèi war an tu-dïou petram war an tu-klei, beb-sort mod ! Ha'n hi(ni)-all oa chomet ahe ha houzh ree ar c'honkouriou ha ma gwas neuhe vis(e) laket déoñ ba'r park ahe his-se, ba-lec'h… Pass ba-lec'h é trôet, rotor(e)t an dou(a)r am(añ), me(d) ba'r park ijelloc'h, 'lec'h (e)ma ar lann vras ah(e) ! Hag pé vis(e) kistïon dèi d'ond da gonkouriñ, faote ket dèi gwel(ed) kamïon (e-)be(d) na nintra (e-)be(d) ! Ma vaotr gasseè 'nèi d'ar c'honkouriou ha faotè ket dèi ! Ne oa ket voien d'ond tost dèi ! Ha me, pé 'h een, me dapeè 'nèi… Me(d) heñw skôe gati pé dapeè 'nèi !

– Ah ! Matresse oa heñ !

Ah ya ! Me(d) hoñzh ankoueè ket heñ !

– Me(d) ma zad ree ket hañ !

Oh nann ! Ha oa ket oblij(e)t da lar(ed) an dra-he neuhe !

– Nann, me(d) ma zad oa ket un den rust

Ah ! Me(d) me meus bet anveet ho tad hañ !

– Nann

Nann

– Me(d) oa ket rust 'naoñ !

Nann ?

– Nann, tamm e-bed ! Nann

Nann, med ma heñi-m(e) me oar ha la ouïe :

« Damaig, ma dapin ket (a)han(o)h » lar-heñw, « damaig me laho (a)han(o)h ! »

Oh ma Doue ! Me(d) ar loned gompren heñ !

– Ar loned so 'veld an dud 'e kwa !

Ah ! Pass toud, med be zo heñ ! Hag ar chach zo mem-mod 'e

– Ya-ya, me(d) karakteriou zo !

Ah ouais, me(d) ar chach ah(e), peus kim(ed) skoiñ gate, ar re-h(e) teuy dec'h gou(de)-se hañ ! Ha me 'h ee da dape(d) 'nê déoñ neuh(e)…

Pé vis(e) ar marc'h 'tond ah(e) his-se, pé vis(e) kistïon d'o(be)r un eubeul vihen, ma vis(e) bet chervichet mad ar wech kentañ, oa ket emm da zond diw wech ! Ma welè ar gamïon 'h ee sod ! Sod 'h ee !

– Ah ya…

Ah ya ! 'N aer da lar(e)d dec'h :

« Me zo finnoc'h 'vi(d)oc'h, me meus ket emm deus keseg kén hañ ! »

Ah ya ! Ar loned zo fin, lod anê heñ ! Me(d) ar…

– An dra-h(e) so lar(e)t din heñ ! Kalz, ar c'heseg neus ur c'harakter fin !

Ya ! Be négn heñ ! Me(d) me meus ket bet (a) boan ga lon-keseg (e-)be(d) gwech e-be(d) ! Meus ket bet (ne)me(d) ga ur veuc'h ur wech ! Ha honn(ezh) neus bet tourneiou ganin 'ha ! Oh ! Pugur me ree, lakeè l(ou)eou war'nê kwa ! Pé oan aet skuizh 'hor(o) ar saout ha 'haloupad dre-ah(e)… Ha me lakeè l(ou)eou war'nê hag a… Pé laket ur loue prenet war ur veuc'h ha' neus deja ur loue, pugur an normantesenn a ree laezh ! Hag a pé vise laket un'-all war'nèi, hoñzh a zihaste paotr-kaezh ! Ha vïe daw din chom ba hi c'heoud ! Ah ya ! Me(d) hoñzh oa bet dihan(e)t da skoiñ ga'r loue ma prenet da lakad war'nèi heñ !

« Ah ! » Me lar dèi, « me skôo war'han(o)h keit-ha refeh taoliou-treid d'ho, d'ho loue bihen ! » Me lar dèi

Hañhañ ! Oh ya ! Oh ! Me lar dec'h… Ah ! Male'rus ! Male'r(u)s ! Me(d) goud(e)-se oa deu(t) an trakteur, sete oa aessoc'hig, me(d) off ! Me vïe daw din labour(a)d gantoñ memes-tra ! Vise gwraet ur… Ha me ma un' ha' oa memes oad ga ma gwas, hezh teue neuheñ ! Hag pé vis(e) karget ma c'harr(a)d-legumach ganin, me teue gantoñ d'ar gêr ! Me(d) ma gwas neus ket bet passianted da ziskiñ din o(be)r marche arrière ga'r c'harr, na ga'n trakteur ! Vïe ket gwraet (ne)me(d) lar(e)d din :

« Ale ! Distok du-mañ ! Deus d'an traoñ ! 'H añw d'o(be)r »

Sete me meus ket bet disket gwech e-be(d), me(d) hezh ree heñ !

– Foat a ra diskiñ heñ ! 'Vid, 'vid, 'vid mond souïss ar mo(d)-se

Ah ya

– Ga un trakteur pe ga ur, ur lon-keseg pe…

Oh ! Aessoc'h é ga un trakteur memes-tra heñ ! Oh ya ! Me(d), me(d) ur lon-keseg zo mïoc'h labour gantoñ 'benn vé gwraet, rôet boued déoñ ha-toud hañ ! Ha hadañ déoñ vé daw o(be)r ha 'lec'h un trakteur, beñ pé pé laket ur bann(e)-gazoal barzh, beñ…

– Ha gousilhañ

– Gousilhañ !

– Gousilhañ din[dan]…

Ah ! Gousilhañ dindan ar, ar lon-keseg !

– Ya

Ah ya ! Gousilhañ !

– Ha pila(d) lann dê

Oh ! Pil(ad) ar lann sè !

– Deus an dra-he meus joñj 'e

Ga'r manèj !

– Ya

An dra-h(e) meus bet gwraet 'e pé oan ba Plounevézel du-h(e) ! Pé vis(e) erc'h, pe forz pet(r)a, vïe keme(d) ma mamm ha me deuhoute war don hag sete pé teue ket ma zad d'ar gêr, pugur 'h ee-kuit d'ar lun, a teue 'n-dro d'ar sad(or)n hag a vise daw din neuh(e) stagañ ar lon-keseg deuh ar manèj ! Hag a-wechou vïe ket den e-bed d'ond war hi lerc'h, pugur ma breur oa yowankoc'h 'vidon 'e, Yves ! Peus ket bet aneet 'e, yao !

– Nann-nann

Ah nann ? Hag a ma oa den e-bed d'ond war hi lerc'h, eh beñ pé vis(e) deut d'ur serten poent ha ba'r memes plass aretè be-vech ! Pé vise aet dreist ar penn-tousseg :

« Beñ me » lar-hei « meus gwraet un dro, brem(añ) zo (???) hañ ! »

Ha vise reukulet ar, ar rod deuh ar bilér(e)s-lann ha vise laket ga ur valz barzh hag un tamm segal petram un tamm yeot, pé vise ! Ah ya ! Me(d) wechou ganin 'h ee ma valz barzh heñ ! 'H ee maes dre ar penn-all… Oyow ! Pé n'on ket bet laet ga'r re-h(e) toud ! Kaou(d) a ra dit n'eus ket un otrou-Doue ?! Heñ ?! N'ounn ket d(i)'g-eñw zo un', me(d) me meus ket gwel(et) 'néoñ gwech e-be(d), me(d) un dra mennaket zo heñ ! Hohoho !

– Me(d) laket vijent, an dra-he meus klêt ba Skrigneg just a-walc'h, un' vije laket ar mo(d)-se da surveiñ ar c'heseg, pugur mod-all a…

A 'h arete !

– Ya, a 'h aretent !

Ah ya !

– Be-vech kwa !

Me(d) pa ket emm da lakad ho, ho pragou re solid, ma… Añfeñ, wechou vis(e) ur bragou solud memes-tra ga 'n hi(ni) vise 'h o(be)r an toucher dreñw ! Ma vis(e) aet ho pragou ba'r penn-tousseg oah laet ! Añfeñ torr(e)t ho tivisker, laet kwa !

– Me(d) pet(r)a é ar penn-tousseg dec'h ?

Ar penn-tousseg so ba-lec'h vé reulïet dow machin ar mo(d)-se, ar varr(e)nn ha' vise laket… Ba'r sañs-s(e) vïe an alïessañ ! Ha vis(e) laket ur machin hag a drôe, pugur ma drôche ket, ar manèj drôche ket 'e, pugur ar re-h(e) so dent ba(r)zh-enne, ba'r rod vras, vise gwraet deuh an dra-h(e). Ha vise gwraet ar penn-tousseg deuh an dra-he, me(d) ma 'h ee ho pragou petramed ho prozh 'sort vise gwech-all ga'r re-gozh, eh beñ oa risket da ve… Parce que ur lon-keseg n'é ket gouest d'aret(al) ar manèj 'n un taol heñ !

– Divreget duzhtu kwa !

Ah beñ non ! Freget, ya ! Med ma vïent re solud vïe, vïe tapet ho tivisker hañ !

– Beñ ya, gwashoc'h oa, ya !

Ah ya ! Ma ! Gwelloc'h é dec'h mond ga un dra ha' oa us(e)t heñ ! 'Vi(d) mond ga un dra solud heñ !

– Me(d) gwel(e)t peus 'h o(be)r ga'r manèj ha peus gwel(e)t 'h o(be)r 'e ga'n drailhér(e)s-lann ?

Ya !

– Pe ar gilhotenn ?

Ah ! Ga'r gulotenn meus gwraet 'e, me(d) neuhe oan deut da Vrennilis amañ

– Pe-sort mod a lar(e)s ?

Ur gulotenn !

– 'Vid an drailhér(e)s-lann ?

An drailhér(e)s-lann, me(d) an dra-he na kimed diw leñw(e)nn, oa an dra-he oa aessoc'h da droiñ ! Me(d) neuhe drôer 'nê ga tud heñ ! Ni zo bet 'h o(be)r

– Ga'n dorn, ya

Ya, me(d) ga'r bilér(e)s-lann peder leñw(e)nn meus gwraet 'e, me(d) n'oc'h ket gouest da droiñ 'nèi

– Ah nann ?

Vis(e) tenn(e)t diw kuit !

– Ah ! Mod-all oa re sterd

Ah beñ ya ! Oh ya ! 'N dèn neus ket keme(nt)-se nerzh memes-tra ! Surtoud me oa yowank hañ ! Pé oan deut amañ ha oan kim(ed) pevarzeg la hanter !

– Me(d) un' na kaojeet deus ar mekanik-mañ din-me ha na lar(e)t din-me vije ur lodenn deus ar… Ar « rouleau » vije gwraet ar chechér(e)s-lann deusoutoñ, « le rouleau »

Ah ya ?!

– Ya

Ah ya ! Ur… An dra-he oa leñwennou, med an dra-he oa un ahel ba'r c'hreis, an ahel deuh ar bilér(e)s ! Ha me(d) hoñzh vise peder leñw(e)nn war ar bilér(e)s ha diw leñw(e)nn war ar gulotenn ! Ur gulotenn oa un hanter aessoc'h da droiñ gou(de)-se kwa heñ ! Med oh ! Sterd oa memes-tra hañ ! Wechou pé vïe dow/tri lon-keseg vise daw o(be)r un tamm hañ ! 'Klask ar lann on bet 'e !

– Ba'r mene pe… ?

Ah non ! Ba'r parkeier dre-ahe, nin brene parkadou-lann heñ ! Pé oan deut am(añ), nign oa keseg ganomp ba Kerhornou ah(e) hag vise dow lon-keseg alïes heñ ! Ha me 'h ee ! Pugur a laron dec'h, ma zad ha mamm oa 'vel oa-i kwa heñ ! Alors vïe, vis(e) daw domp mond da glask lann neuh(e) ! Hag mamm ha'r secrétaire de mairie oa ah(e) gwech-all :

« Ale Annick ! » lar-hei din, « prest é ar pod-tu ! »

Ar pod-tu vise gwraet ha vise laket ba-tousk ar, ar ludou-mouded ha heñ jomeè tomm ha vise ur bann(e)-kafe petram ur bann(e)-te barzh ! Ahaha !

– Ar pod-tu oa ar po-fèr bihen kwa ! N'é ket ?

Non !

– Bras oa ?

Ar, ar pod-tu oa ur bouilloire ar mo(d)-s(e), pass ga un dorn plastik 'vel deus heben heñ !

– Nann-nann, ur « bouilloire » oa kwa !

Ah ! Ur bouilloire, ya !

– Ah ya !

Ya, me lar :

« Ale ! Tomm é, prest é ar pod-tu ! » Lar-hei din

« Ale boñ ! » Me lar

Sete vise, teuen da evañ ur bann(e)-te gate, me(d) wechou pé vé yén deuh ar goañw, ree vad 'e hañ !

Klask komjennou ba'r blog / Recherche de mots sur le blog

Pajennou bet lennet / Pages lues

Traou ar blog / Documents du blog